11

തൊ​ടു​പു​ഴ: വി​ല​യി​ടി​വി​ല്‍ ത​ള​ര്‍ന്ന ക​ര്‍ഷ​ക​ര്‍ക്ക് പു​തു​പ്ര​തീ​ക്ഷ​യാ​യി റം​ബു​ട്ടാ​ന്‍ ഡ്രൈ​ഫ്രൂ​ട്‌​സ് വി​പ​ണി​യി​ലേ​ക്ക്. ക​ശു​വ​ണ്ടി, നി​ലക്ക​ട​ല, ബ​ദാം, അ​ത്തി​പ്പ​ഴം, പ​പ്പാ​യ, മു​ന്തി​രി, വാ​ഴ​പ്പ​ഴം, ച​ക്ക​പ്പ​ഴം തു​ട​ങ്ങി​യ ഡ്രൈ​ഫ്രൂ​ട്‌​സ് വി​പ​ണി​യി​ല്‍ സു​ല​ഭ​മാ​ണെ​ങ്കി​ലും റം​ബു​ട്ടാ​ന്‍ ആ​ദ്യ​മാ​യാ​ണ് വി​പ​ണി​യി​ലേ​ക്കു ക​ട​ന്നു​വ​രു​ന്ന​ത്.

തൊ​ടു​പു​ഴ അ​ഗ്രി​ക​ള്‍ച്ച​റ​ല്‍ ഡ​വ​ല​പ്‌​മെ​ന്‍റ് സൊ​സൈ​റ്റി​യാ​ണ് (കാ​ഡ്‌​സ്) വി​ല​യി​ടി​വ് മൂ​ലം ദു​രി​ത​ത്തി​ലാ​യ ക​ര്‍ഷ​ക​ര്‍ക്ക് മി​ക​ച്ച​വ​രു​മാ​നം ഉ​റ​പ്പാ​ക്കു​ന്ന പ​ദ്ധ​തി​യു​മാ​യി രം​ഗ​ത്തെ​ത്തി​യി​രി​ക്കു​ന്ന​ത്.

കാ​ഡ്‌​സ് പ്ര​സി​ഡ​ന്‍റ് ആ​ന്‍റ​ണി ക​ണ്ടി​രി​ക്ക​ലി​ന്‍റെ ദീ​ര്‍ഘ​വീ​ക്ഷ​ണ​ത്തി​ലാ​ണ് റം​ബു​ട്ടാ​ന്‍ ഡ്രൈ​ഫ്രൂ​ട്‌​സാ​ക്കി മാ​റ്റാ​നു​ള്ള സം​രം​ഭ​ത്തി​ന് തു​ട​ക്കം​കു​റി​ച്ചി​രി​ക്കു​ന്ന​ത്. പ​രീ​ക്ഷ​ണാ​ടി​സ്ഥാ​ന​ത്തി​ല്‍ കാ​ഡ്‌​സി​ലെ ഡിഹൈ​ഡ്രേ​റ്റ​ഡ് ഡ്ര​യ​റി​ലാ​ണ് മ​റ്റ് ഡ്രൈ​ഫ്രൂ​ട്‌​സി​നെ​ക്കാ​ള്‍ സ്വാ​ദി​ഷ്ട​വും ഗു​ണ​മേ​ന്‍മ​യി​ല്‍ മു​ന്‍പ​ന്തി​യി​ല്‍ നി​ല്‍ക്കു​ന്ന​തു​മാ​യ ഇ​വ വി​ക​സി​പ്പി​ച്ചെ​ടു​ത്ത​ത്.

റം​ബു​ട്ടാ​ന്‍റെ മൂ​ല്യ​വ​ര്‍ധ​ന​യി​ലൂ​ടെ ക​ര്‍ഷ​ക​ര്‍ക്ക് നി​ശ്ചി​ത​വി​ല ല​ഭ്യ​മാ​ക്കാ​നും മാ​സ​ങ്ങ​ളോ​ളം ഇ​വ സൂ​ക്ഷി​ച്ചുവ​യ്ക്കാ​നും ക​ഴി​യു​മെ​ന്ന​തും നേ​ട്ട​മാ​ണ്. പ്രാ​ദേ​ശി​ക വാ​ട്‌​സ് ആ​പ്പ് ഗ്രൂ​പ്പി​ല്‍ പ​ര​സ്യം ന​ല്‍കി​യ​തോ​ടെ നി​ര​വ​ധി​പ്പേ​രാ​ണ് ഇ​തി​ന്‍റെ സാ​ധ്യ​ത ആ​രാ​യു​ന്ന​ത്.

എ​ട്ടു​ കി​ലോ പ​ഴു​ത്തു​പാ​ക​മാ​യ റം​ബു​ട്ടാ​ന്‍ ഉ​ണ​ങ്ങു​മ്പോ​ള്‍ ഒ​രു കി​ലോ ഡ്രൈ​ഫ്രൂ​ട്ടാ​ണ് ല​ഭി​ക്കു​ന്ന​ത്. ഉ​ണ​ങ്ങി​ക്ക​ഴി​യു​മ്പോ​ള്‍ ഫ്രൂ​ട്ടി​നു​ള്ളി​ലെ കാ​യ​യും ഭ​ക്ഷി​ക്കാ​നാ​കും. ഡി ​ഹൈ​ഡ്രേ​റ്റ​ഡ് ഡ്ര​യ​ര്‍ ആ​യ​തി​നാ​ല്‍ രു​ചി​യി​ലോ നി​റ​ത്തി​ലോ മാ​റ്റം വ​രു​ന്നു​മി​ല്ല. വൈ​റ്റ​മി​ന്‍ സി​യു​ടെ ക​ല​വ​റ​യാ​ണി​ത്. ഇ​തി​നു പു​റ​മെ പ്ര​തി​രോ​ധ ശേ​ഷി വ​ര്‍ധി​പ്പി​ക്കാ​നും നാ​രു​ക​ള്‍ അ​ട​ങ്ങി​യ​തി​നാ​ല്‍ ദ​ഹ​ന​ത്തി​നും ഇ​ത് ഏ​റെ ഉ​ത്ത​മ​മാ​ണ്.

ഒ​രു​വ​ര്‍ഷം മു​മ്പു​വ​രെ വി​ള​വെ​ടു​പ്പി​ന് പാ​ക​മാ​യ റം​ബു​ട്ടാ​ന് കി​ലോ​യ്ക്ക് 125 മു​ത​ല്‍ 150 വ​രെ ക​ര്‍ഷ​ക​ര്‍ക്ക് വി​ല ല​ഭി​ച്ചി​രു​ന്നു. എ​ന്നാ​ല്‍ ക​ഴി​ഞ്ഞ​ സീ​സ​ണി​ലും ഇ​പ്രാ​വ​ശ്യ​വും 80-100 രൂ​പ എ​ന്ന നി​ല​യി​ലേ​ക്ക് വി​ല​യി​ടി​ഞ്ഞ​തും ക​ച്ച​വ​ട​ക്കാ​ര്‍ വാ​ങ്ങാ​ന്‍ എ​ത്താ​തി​രു​ന്ന​തും ക​ര്‍ഷ​ക​ര്‍ക്ക് തി​രി​ച്ച​ടി​യാ​യി മാ​റി.

ധ​ന​കാ​ര്യ സ്ഥാ​പ​ന​ങ്ങ​ളി​ല്‍ നി​ന്നും വാ​യ്പ​യെ​ടു​ത്ത് വി​പു​ല​മാ​യ രീ​തി​യി​ല്‍ റം​ബു​ട്ടാ​ന്‍ കൃ​ഷി​ചെ​യ്തി​രു​ന്ന ക​ര്‍ഷ​ക​ര്‍ക്ക് പി​ടി​ച്ചു​നി​ല്‍ക്കാ​നു​ള്ള സാ​ധ്യ​ത​യാ​ണ് ഇ​തി​ലൂ​ടെ തെ​ളി​യു​ന്ന​ത്. ക​ര്‍ഷ​ക​ര്‍ക്ക് കു​റ​ഞ്ഞ വി​ല​യി​ല്‍ ഡ്ര​യ​റു​ക​ള്‍ ല​ഭ്യ​മാ​ക്കാ​നു​ള്ള ശ്ര​മ​വും കാ​ഡ്‌​സിന്‍റെ നേ​തൃ​ത്വ​ത്തി​ല്‍ ആ​രം​ഭി​ച്ചി​ട്ടു​ണ്ട്. ഓ​ഗ​സ്റ്റ് 20നു ​ഡ്രൈ​ഫ്രൂ​ട്ട് വി​പ​ണ​യി​ല്‍ എ​ത്തി​ക്കു​ന്ന​തി​ന്‍റെ ഉ​ദ്ഘാ​ട​നം തൊ​ടു​പു​ഴ​യി​ല്‍ ന​ട​ക്കു​മെ​ന്ന് കാ​ഡ്‌​സ് പ്ര​സി​ഡ​ന്‍റ് ആ​ന്‍റ​ണി ക​ണ്ടി​രി​ക്ക​ല്‍ പ​റ​ഞ്ഞു.